Qazaqstan Respýblıkasy Úkimetiniń qaýlysy  №1176

2015 jylǵy 31 jeltoqsan, Astana, Úkimet Úıi Kóshirme jasaýǵa nemese basyp shyǵarýǵa jumsalatyn naqty shyǵyndardyń mólsherin jáne olardy aqparat ıelenýshige tóleý tártibin, sondaı-aq halyqtyń áleýmettik jaǵynan osal toptaryn kóshirme jasaýǵa nemese basyp shyǵarýǵa jumsalatyn shyǵyndardy tóleýden bosatý tártibin bekitý týraly «Aqparatqa qol jetkizý týraly» 2015 jylǵy 16 qarashadaǵy Qazaqstan Respýblıkasy Zańynyń 11-babyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan kóshirme jasaýǵa nemese basyp shyǵarýǵa jumsalatyn naqty shyǵyndardyń mólsherin jáne olardy aqparat ıelenýshige tóleý tártibin, sondaı-aq halyqtyń áleýmettik jaǵynan osal toptaryn kóshirme jasaýǵa nemese basyp shyǵarýǵa jumsalatyn shyǵyndardy tóleýden bosatý tártibi bekitilsin. 2. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV. Qazaqstan Respýblıkasy Úkimetiniń 2015 jylǵy 31 jeltoqsandaǵy №1176 qaýlysymen bekitilgen Kóshirme jasaýǵa nemese basyp shyǵarýǵa jumsalatyn naqty shyǵyndardyń mólsherin jáne olardy aqparat ıelenýshige tóleý tártibin, sondaı-aq halyqtyń áleýmettik jaǵynan osal toptaryn kóshirme jasaýǵa nemese basyp shyǵarýǵa jumsalatyn shyǵyndardy tóleýden bosatý tártibi Naqty shyǵyndardyń mólsheri 1. Suraý salynatyn qujattardyń jáne (nemese) materıaldardyń kóshirmelerin jasaýǵa jumsalatyn shyǵyndardy aqparat paıdalanýshy mynadaı mólsherde tóleıdi: suraý salynatyn aqparat A4 pishiminde usynylǵan jaǵdaıda – suraý salynatyn aqparattyń árbir paraǵy úshin aılyq eseptik kórsetkishtiń 0,1 %-y; suraý salynatyn aqparat A3 pishiminde usynylǵan jaǵdaıda – suraý salynatyn aqparattyń árbir paraǵy úshin aılyq eseptik kórsetkishtiń 0,2 %-y; suraý salynatyn aqparat A2 nemese A1 pishimderinde usynylǵan jaǵdaıda – suraý salynatyn aqparattyń árbir paraǵy úshin aılyq eseptik kórsetkishtiń 2 %-y; suraý salynatyn aqparat A0 pishiminen asatyn pishimde usynylǵan jaǵdaıda – suraý salynatyn aqparattyń árbir paraǵy úshin aılyq eseptik kórsetkishtiń 5 %-y. Kóshirme jasaýǵa nemese basyp shyǵarýǵa jumsalatyn naqty shyǵyndardy tóleý tártibi 2. Aqparat ıelenýshi menshik nysanyna qaramastan, suraý salynatyn aqparatty osy qaýlynyń talaptaryn eskere otyryp, ózinde bar qujattar jáne (nemese) materıaldar kóleminde jáne pishiminde usynady. 3. Aqparat ıelenýshi 1-tarmaqqa sáıkes naqty shyǵyndardyń qunyn esepteıdi jáne aqparat paıda­la­nýshyǵa belgilengen tártippen alynǵan suraýdyń tirkelgen kúninen bastap 7 jumys kún ishinde shot usynady. Bul rette aqparat ıelenýshi: 1) suraý salynatyn qujattyń jáne (nemese) materıaldyń kólemi men pishimin; 2) suraý salynatyn qujattardyń jáne (nemese) materıaldardyń kóshirmelerin jasaýǵa jumsalǵan shyǵystar mólsherin; 3) suraý salynatyn aqparatty usyný úshin tólemdi aýdarýǵa tólem qujatyn toltyrý úshin qajetti aqparatty; 4) suraý salynatyn aqparatty usyný úshin aqparat paıdalanýshynyń tólemdi engizýiniń on bes kúntizbelik kúnnen aspaıtyn merzimin kórsetedi. 4. Aqparat ıelenýshi memlekettik organ nemese memlekettik organ bolyp tabylmaıtyn memlekettik mekeme bolǵan jaǵdaıda, aqparatty paıdalanýshy aqparatty usyný úshin tólemdi 2-tarmaqqa sáıkes memlekettik bıýdjetke aýdarýdy júzege asyrady. 5. Aqparat ıelenýshi kvazımemlekettik sektor sýbektisi bolyp tabylsa, sondaı-aq eger aqparat zańdy tulǵalardan suraý salynǵan jaǵdaıda, olarǵa memlekettik bıýdjetten bólingen qarajatty paıdalanýǵa, onyń ıeligindegi ekologııalyq aqparatqa qatysty, tótenshe jaǵdaılar týraly, tabıǵı jáne tehnogendik apattar, olardyń boljamdary men saldary, órt qaýipsizdiginiń jaı-kúıi, sanıtarııalyq-epıdemıologııalyq jáne radıasııalyq jaǵdaı, tamaq ónimderiniń qaýipsizdigi jáne eldi mekenderdiń, óndiris obektileriniń jáne azamattardyń qaýipsizdigi men densaýlyǵyna keri áseri bar basqa da faktorlar, sondaı-aq basym nemese monopolııalyq jaǵdaıdaǵy naryq sýbektileri óndiretin (ótkizetin), taýarlar (jumystar, kórsetiletin qyzmetter) baǵalary bóligindegi aqparat paıdalanýshy 2-tarmaqqa sáıkes aqparatty usyný úshin tólemdi aqparat ıelenýshiniń esepshotyna aýdarady. 6. Aqyly negizde beriletin aqparat 2-tarmaqtyń talaptaryna sáıkes kórsetilgen aqparattyń usynylǵany úshin aqparat paıdalanýshy tólem júrgizgennen jáne aqparatty ıelenýshige tólengenin rastaıtyn tólem qujaty usynylǵannan keıin joldanady (beriledi). Halyqtyń áleýmettik jaǵynan osal toptaryn kóshirme jasaýǵa jáne basyp shyǵarýǵa jumsalatyn shyǵyndardy tóleýden bosatý tártibi 7. Kóshirme jasaýǵa nemese basyp shyǵarýǵa jumsalatyn naqty shyǵyndardy tóleýden mynadaı áleýmettik osal toptarǵa jatatyn aqparat paıdalanýshylar bosatylady: 1) Uly Otan soǵysynyń múgedekteri jáne qatysýshylary; 2) Uly Otan soǵysynyń qatysýshylaryna jáne múgedekterine teńestirilgen adamdar; 3) 1 jáne 2-toptaǵy múgedekter; 4) múgedek balalary bar nemese olardy tárbıeleýshi otbasylar; 5) Qazaqstan Respýblıkasynyń Úkimeti bekitetin aýrýlar tiziminde kórsetilgen keıbir sozylmaly aýrýlardyń aýyr túrlerimen aýyratyn adamdar; 6) jasy boıynsha zeınetkerler; 7) jetim balalar jáne ata-anasynyń qamqorlyǵynsyz qalǵan balalar, kámelettik jasqa deıin ata-anasynan aıyrylǵan jıyrma toǵyz jasqa tolmaǵan balalar (mundaı adamdar áskerı qyzmetke shaqyrý kezinde jasy jedel áskerı qyzmetti ótkerý merzimine uzartylady); 8) oralmandar; 9) ekologııalyq zilzalalar, tabıǵı jáne tehnogendik sıpattaǵy tótenshe jaǵdaılar saldarynan turǵyn úıinen aıyrylǵan adamdar; 10) kóp balaly otbasylar; 11) memlekettik nemese qoǵamdyq mindetterdi atqarý, áskerı qyzmette, ǵarysh keńistigine ushýdy daıyndaý nemese júzege asyrý, adam ómirin qutqarý, quqyqtyq tártipti qorǵaý kezinde qaza bolǵan (qaıtys bolǵan) adamdardyń otbasylary; 12) tolyq emes otbasy. 8. 7-tarmaqta kórsetilgen aqparatty paıdalanýshylar aqparat ıelenýshige tıisti mártebesin rastaıtyn qujattardy usynǵan kezde tólemnen bosatylady. 9. Tıisti mártebeni rastaıtyn qujattardy usyný merzimi 3-tarmaqtyń 4) tarmaqshasynda kórsetilgen merzimnen aspaýy qajet.